請選擇 進入手機版 | 繼續訪問電腦版

father.hk

 找回密碼
 立即註冊
搜索
查看: 5799|回復: 19

想請教徐sir DIY 擴音機時既接地心得. [複製鏈接]

Rank: 3Rank: 3

發表於 13-5-2013 23:15:51 |顯示全部樓層
跟過徐sir 學diy 膽機, 又睇過徐sir 既成品, 走線又靚, 背景又靜.. 真係想請教下徐sir 接線同接地心得. 之前模仿徐sir 既膽機真係靜如深海.. 之後自己再砌既機點走線都會有輕微噪音..請問徐sir 有冇D 心得打以分享下..謝謝..

使用道具 舉報

Rank: 7Rank: 7Rank: 7

發表於 14-5-2013 08:54:38 |顯示全部樓層
本帖最後由 香港小徐 於 14-5-2013 13:40 編輯

砌膽機要多年經驗的,日子有功起手落位已知走線應該怎樣走,出現噪音的機會較小,但只是較小不是百份百靈驗,去除噪音方法網上大量資料,我只取幾個我常用的方法如下:

1.高壓電源:無論膽整流及二極管整流,整流後的主電容必需用好一點質量的,最小要用一個濾波牛或電阻做一級最基本的濾波,就在最後一棵主濾波電容,負極用最短線材落殼,這就是機殼大地,這方法成功率較高,有高手人認為這方法不完美,但我目的只是耳聽不聞噪音即可,高壓是否用穩壓反而不作考慮,香港電壓升降有限影響輕微,而且聽感上有穩壓的由其是電子穩壓,聽感上比較緊寬容度稍遜。

2.燈絲電源:小徐木耳認為用 AC 燈絲音色上會較耐聽易出輕微交流聲,DC 供電無噪音成功率較高,後級我一般都是交流燈絲,前級使用 DC 比較容易成事,直流燈絲用穩壓沒大問題,聲音清爽點有點像石機但不太明顯,整體無太大的影響。

3.電線走位:任何有關電力的走線都要遠離訊號線,由其是交流電源,所有線材盡量不要平衡拍住走,打十字層疊交叉的問題不大。

4.訊號輸入:訊號輸入線的地線,要接近第一隻膽的位置接地,遠離所電源供應線火牛等,輸入線用上雙隔離的訊號線更佳(網線外層有錫紙甚至有多一條外地線的更佳)。

5.地環:地環是主命脈,用粗一點的銅線會好些,不要為求方便,在輸入訊號的 RCA 地直駁地還 (高手例外),見上面第四項(要接盡量近第一隻膽的位置接地),地環要單一方向安裝,由機背走到機前,可轉灣可橫伸支線地環(像魚骨橫身一支支的出),但絕不能圍成圈形走回頭路,變了 O 形天線般接收雜訊。

6.燈絲接地:做了上述的可能還有輕微 Woooo 聲,不跟墮音量掣變大變小,這多是燈絲供電噪音,可在最前端膽燈絲位置,試選一邊線接上地環,兩邊一試會有一邊效果更好的,或在燈絲前端膽(即小訊號膽)兩極接上 47K 電阻接地也有效降底噪音(300B,2A3 等膽管不能使用這方法)。

小徐智慧有限不能得知全部,網上找找也有不小高人教路,試多些經驗多就會一一化解,DIY 路慢長成長中就知道個中妙處,成功感會令人再向難度進發,毒癮加深........................恭喜恭喜!

點評

pas_by  「……無論膽整流及二極管整流,整流後的主電容必需用好一點質量的……」 『質量好一點』,有些補充。 看徐師傅的blog文,當中的「水塘」,多是   發表於 29-5-2013 15:09:37
DIY 膽機已覺無難度,維修古靈精怪膽機更有挑戰性!

使用道具 舉報

Rank: 3Rank: 3

發表於 15-5-2013 15:41:54 |顯示全部樓層
嘩, 中哂我所有發出噪音症狀, 呢編文要save低佢慢慢實習先得, 多謝除sir.
想問吓整流後的主電容係未即係叫做水塘? 我有時見到負極直接落地原來真係有意思的。

使用道具 舉報

Rank: 7Rank: 7Rank: 7

優秀版主

發表於 15-5-2013 16:16:47 |顯示全部樓層
3.電線走位:所有線材盡量不要平衡拍住走,這方面, 因咁多線, 我想極都唔知點走好.

使用道具 舉報

Rank: 3Rank: 3

發表於 15-5-2013 23:19:55 |顯示全部樓層
多謝徐sir.. 但實在太高深..單單很文字好難完全理解.. 大家有冇D 好既網上資源可以分享下呢?

使用道具 舉報

Rank: 6Rank: 6

發表於 16-5-2013 11:57:37 |顯示全部樓層
香港小徐 發表於 14-5-2013 08:54
砌膽機要多年經驗的,日子有功起手落位已知走線應該怎樣走,出現噪音的機會較小,但只是較小不是百份百靈驗 ...

徐Sir:一般家居很難做到第三點,可有防互相干擾的包材或方法?

使用道具 舉報

Rank: 7Rank: 7Rank: 7

發表於 16-5-2013 12:13:17 |顯示全部樓層
treehouse 發表於 16-5-2013 11:57
徐Sir:一般家居很難做到第三點,可有防互相干擾的包材或方法?

小弟詞不達意唔好意思,上面爛文指的全都是指膽機內部走線,令人誤會真對不起!
DIY 膽機已覺無難度,維修古靈精怪膽機更有挑戰性!

使用道具 舉報

Rank: 6Rank: 6

發表於 16-5-2013 12:18:57 |顯示全部樓層
香港小徐 發表於 16-5-2013 12:13
小弟詞不達意唔好意思,上面爛文指的全都是指膽機內部走線,令人誤會真對不起! ...

明白,係我無睇上文下理啫,多謝解釋

使用道具 舉報

Rank: 3Rank: 3

發表於 16-5-2013 23:24:47 |顯示全部樓層
hkcheng 發表於 15-5-2013 23:19
多謝徐sir.. 但實在太高深..單單很文字好難完全理解.. 大家有冇D 好既網上資源可以分享下呢? ...

http://www.valvewizard.co.uk/Grounding.html

可看看這網頁也有很好,易明的資料!

使用道具 舉報

Rank: 3Rank: 3

發表於 17-5-2013 23:07:53 |顯示全部樓層
chanwt 發表於 16-5-2013 23:24
http://www.valvewizard.co.uk/Grounding.html

可看看這網頁也有很好,易明的資料!

多謝師兄分享.. 又學到野...

使用道具 舉報

您需要登錄後才可以回帖 登錄 | 立即註冊

手機版|father.hk

GMT+8, 20-10-2017 18:18 , Processed in 0.036919 second(s), 12 queries .

Powered by Discuz! X2

© 2001-2011 Comsenz Inc.

回頂部